Polis y ambulance a bay cu maximo urgencia pa San Nicolas na un caso tristo di hogamento . E prome informacion cu nos redaccion a ricibi ta trata di un baby , pero na yegada di vocero di polis Liliana Rasmijn a indica na nos cu no ta traha di un baby pero ta trata di un homber di 52 aña cu a haya su mes cu problema den lama. Vocero di polis ta indica cu pa mas of menos 3:15 central di polis ta keda notifica cu lo mester tin un turista cu lo mester a haya problema den awa na Rogers Beach.
Mesora polis y ambulance a Sali y bay direccion Rogers Beach y ta bin topa cu e homber den awa. Mesora polis a actua y a saca e homber for di den awa y a cuminsa cu reanimacion y asina persona di ambulance a yega na e sitio nan a tuma over y a sigui cu e parti pa salba bida di e turista Ta trata aki di un turista cu tin 60 aña cua bin riba barco hunto cu su sra unda cu nan tin un dia aki na Aruba y a bin disfruta di nos beachnan na Rogers Beach pero cu lamentablemente e la fayece na momento cu e la haya su mes cu problema den awa.
Segun vocero di polis tur cos ta indica cu e turista a bira malo den awa, te na e momentonan aki no por papia cu e la hoga. Dokter foresnsico tabata na e sitio pa asina analisa e curpa pa por saca afo si e la muri hoga of cu e la bira malo y abase di esey e la fayece den awa.
E ta un situacion tristo y lamentabel, nos ta den temporada di semana santa pesey ta importante pa tur hende tin bista riba otro. EA News y Cuerpo policial ta manda palabra di condolencia pa famia
