ORANJESTAD, Aruba
Polis y brandweer mester a bay cu urgencia na un cas den timbalatraat na dakota. Na e cas tin un garage unda ta drecha brommer y esaki pa un motibo of otro a pega candela. Bisiñanan alerto a bati alarma panasina saca e persona cu tin den e cas cu tabata drumi e momento ey. E candela a bira asina grandi cu e garage a cuminsa pega e dal di e cas tambe na candela. Brandweer a yega na e sitio y a cuminsa atende cu e candela mesora. E daño cu a keda causa ta uno basta grandi.
